rashk-e-mina-o-jam si laDki

rashk-e-mīnā-o-jām sī laḌkī

vo december kī shaam sī laḌkī

vo khaḌī hai nazar jhukā.e hue

zāhidoñ ke qayām sī laḌkī

laaj ke thal ne ko.elā kar dī

gul-badan lāla-fām sī laḌkī

fasl-e-gul kī safīr lagtī thī

bād-e-gul ke ḳhirām sī laḌkī

kho ga.ī ḳhud fanā ke rastoñ meñ

rāh-e-mulk-e-davām sī laḌkī

tīrgī ne dilā.ī yaad mujhe

ek māh-e-tamām sī laḌkī

jazb-e-paiham sikhā ga.ī 'maqsūd'

vo qalandar maqām sī laḌkī

rashk-e-mina-o-jam si laDki

wo december ki sham si laDki

wo khaDi hai nazar jhukae hue

zahidon ke qayam si laDki

laj ke thal ne koela kar di

gul-badan lala-fam si laDki

fasl-e-gul ki safir lagti thi

baad-e-gul ke KHiram si laDki

kho gai KHud fana ke raston mein

rah-e-mulk-e-dawam si laDki

tirgi ne dilai yaad mujhe

ek mah-e-tamam si laDki

jazb-e-paiham sikha gai 'maqsud'

wo qalandar maqam si laDki