sau bar chaman mahka sau bar bahaar aai
sau bar chaman mahka sau bar bahaar aai
Sufi Ghulam Mustafa Tabassum
MORE BYSufi Ghulam Mustafa Tabassum
sau baar chaman mahkā sau baar bahār aa.ī
duniyā kī vahī raunaq dil kī vahī tanhā.ī
ik lahza bahe aañsū ik lahza hañsī aa.ī
sīkhe haiñ na.e dil ne andāz-e-shakebā.ī
is mausam-e-gul hī se bahke nahīñ dīvāne
saath abr-e-bahārāñ ke vo zulf bhī lahrā.ī
har dard-e-mohabbat se uljhā hai ġham-e-hastī
kyā kyā hameñ yaad aayā jab yaad tirī aa.ī
charke vo diye dil ko mahrūmī-e-qismat ne
ab hijr bhī tanhā.ī aur vasl bhī tanhā.ī
dekhe haiñ bahut ham ne hañgāme mohabbat ke
āġhāz bhī rusvā.ī anjām bhī rusvā.ī
ye bazm-e-mohabbat hai is bazm-e-mohabbat meñ
dīvāne bhī shaidā.ī farzāne bhī shaidā.ī
sau bar chaman mahka sau bar bahaar aai
duniya ki wahi raunaq dil ki wahi tanhai
ek lahza bahe aansu ek lahza hansi aai
sikhe hain nae dil ne andaz-e-shakebai
is mausam-e-gul hi se bahke nahin diwane
sath abr-e-bahaaran ke wo zulf bhi lahrai
har dard-e-mohabbat se uljha hai gham-e-hasti
kya kya hamein yaad aaya jab yaad teri aai
charke wo diye dil ko mahrumi-e-qismat ne
ab hijr bhi tanhai aur wasl bhi tanhai
dekhe hain bahut hum ne hangame mohabbat ke
aaghaz bhi ruswai anjam bhi ruswai
ye bazm-e-mohabbat hai is bazm-e-mohabbat mein
diwane bhi shaidai farzane bhi shaidai
- Book : kulliyate-sufi tabassum (Pg. 112)
- Author : sufi tabassum
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
