unhen humse mohabbat hai nahin to

unheñ ham se mohabbat hai nahīñ to

yahī kyā ik aziyyat hai nahīñ to

kisī se baat bhī karte nahīñ ab

to kyā har ik se nafrat hai nahīñ to

matā'-e-jāñ tumhāre bin ye duniyā

nihāyat ḳhūb-sūrat hai nahīñ to

tumhāre saath guzre 'umr saarī

hamārī aisī qismat hai nahīñ to

kisī bhī but kī is shahr-e-butāñ meñ

tumhārī jaisī sūrat hai nahīñ to

dil-e-mā'sūm ko majrūh kar ke

unheñ ḳhud par nadāmat hai nahīñ to

ravāñ to huuñ sarāboñ ke safar par

magar kuchh is meñ diqqat hai nahīñ to

musībat-nāk tanhā rāstoñ par

hameñ un kī zarūrat hai nahīñ to

kisī ke paas abū-'shabbar' ke jaisī

fasāhat aur balāġhat hai nahīñ to

unhen hum se mohabbat hai nahin to

yahi kya ek aziyyat hai nahin to

kisi se baat bhi karte nahin ab

to kya har ek se nafrat hai nahin to

mata'-e-jaan tumhaare bin ye duniya

nihayat KHub-surat hai nahin to

tumhaare sath guzre 'umr sari

hamari aisi qismat hai nahin to

kisi bhi but ki is shahr-e-butan mein

tumhaari jaisi surat hai nahin to

dil-e-ma'sum ko majruh kar ke

unhen KHud par nadamat hai nahin to

rawan to hun sarabon ke safar par

magar kuchh is mein diqqat hai nahin to

musibat-nak tanha raston par

hamein un ki zarurat hai nahin to

kisi ke pas abu-'shabbar' ke jaisi

fasahat aur balaghat hai nahin to