nind le le ke KHwab tak aae

niiñd le le ke ḳhvāb tak aa.e

phir kahīñ ham janāb tak aa.e

chehra chehra paḌhā to phir sāhab

ham mohabbat ke baab tak aa.e

yuuñ to lākhoñ haiñ zindagī meñ magar

ham tire intiḳhāb tak aa.e

mere dil tak vo is tarah aayā

phuul jaise kitāb tak aa.e

jhāñk le jo bhī terī āñkhoñ meñ

phir vo kyūñkar sharāb tak aa.e

jab vo bichhḌā to merī āñkhoñ meñ

raavī satlaj chanāb tak aa.e

haath thāme fareb kā 'amjad'

chalte chalte sarāb tak aa.e

nind le le ke KHwab tak aae

phir kahin hum janab tak aae

chehra chehra paDha to phir sahab

hum mohabbat ke bab tak aae

yun to lakhon hain zindagi mein magar

hum tere intiKHab tak aae

mere dil tak wo is tarah aaya

phul jaise kitab tak aae

jhank le jo bhi teri aankhon mein

phir wo kyunkar sharab tak aae

jab wo bichhDa to meri aankhon mein

rawi satlaj chanab tak aae

hath thame fareb ka 'amjad'

chalte chalte sarab tak aae