mahtabi raaton mein KHwab ka piyala hai
māhtābī rātoñ meñ ḳhvāb kā piyālā hai
shahr ke tamāshoñ par tīrgī kā haalā hai
ik sarāb umīdoñ kā saath saath chaltā hai
kashmakash ke sahrā meñ bekasī kā jaalā hai
raat ke añdhere meñ cigareteñ jalātā huuñ
sun rahā huuñ bastī meñ chāñd utarne vaalā hai
aap jo samundar meñ Dubkiyāñ lagāte haiñ
aap hī kā sāhil par aaj bol-bālā hai
aur ab na kuchh kahiye ai 'vasīm' chup rahiye
irtiqā kī manzil meñ phuul phuul chhālā hai
mahtabi raaton mein KHwab ka piyala hai
shahr ke tamashon par tirgi ka haala hai
ek sarab umidon ka sath sath chalta hai
kashmakash ke sahra mein bekasi ka jala hai
raat ke andhere mein cigareten jalata hun
sun raha hun basti mein chand utarne wala hai
aap jo samundar mein Dubkiyan lagate hain
aap hi ka sahil par aaj bol-baala hai
aur ab na kuchh kahiye ai 'wasim' chup rahiye
irtiqa ki manzil mein phul phul chhaala hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
