badan mein aag hai chehra gulab jaisa hai
badan meñ aag hai chehra gulāb jaisā hai
ki zahr-e-ġham kā nasha bhī sharāb jaisā hai
vo sāmne hai magar tishnagī nahīñ jaatī
ye kyā sitam hai ki dariyā sarāb jaisā hai
magar kabhī koī dekhe hameñ paḌhe to sahī
dil aa.ina hai to chehra kitāb jaisā hai
bahār-e-ḳhūñ se chaman-zār ban gaye maqtal
jo naḳhl-e-dār hai shāḳh-e-gulāb jaisā hai
kahāñ vo qurb ki ab to ye haal hai jaise
tire firāq kā 'ālam bhī ḳhvāb jaisā hai
qarīb ho to qayāmat na ho to raat hī raat
vo āftāb nahīñ āftāb jaisā hai
'farāz' sang-e-malāmat se zaḳhm zaḳhm sahī
hameñ 'azīz hai ḳhāna-ḳharāb jaisā hai
badan mein aag hai chehra gulab jaisa hai
ki zahr-e-gham ka nasha bhi sharab jaisa hai
wo samne hai magar tishnagi nahin jati
ye kya sitam hai ki dariya sarab jaisa hai
magar kabhi koi dekhe hamein paDhe to sahi
dil aaina hai to chehra kitab jaisa hai
bahaar-e-KHun se chaman-zar ban gaye maqtal
jo naKHl-e-dar hai shaKH-e-gulab jaisa hai
kahan wo qurb ki ab to ye haal hai jaise
tere firaq ka 'alam bhi KHwab jaisa hai
qarib ho to qayamat na ho to raat hi raat
wo aaftab nahin aaftab jaisa hai
'faraaz' sang-e-malamat se zaKHm zaKHm sahi
hamein 'aziz hai KHana-KHarab jaisa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
