aankh mein tere tasawwur se nami len kuchh aur

aañkh meñ tere tasavvur se namī leñ kuchh aur

phir koī hashr uThā jī meñ ki jī leñ kuchh aur

dast-e-imkāñ mire shāne pe rakhā rah jaa.e

sar karūñ maiñ tirī zulfoñ kī fasīleñ kuchh aur

jhiil to merī bhī palkoñ pe utar saktī hai

tum karo pesh mohabbat kī dalīleñ kuchh aur

bujh gaye zahr meñ sayyād ke jalte paikān

khul ga.iiñ mujh pe ri'āyat kī sabīleñ kuchh aur

aañkh ko chāhiye manzar koī apne jaisā

ḳhushk ho jaa.eñ ye ḳhāmosh sī jhīleñ kuchh aur

is se pahle ki sarāboñ ke safar par nikleñ

ai chaman hoñT tirī os hī pī leñ kuchh aur

aankh mein tere tasawwur se nami len kuchh aur

phir koi hashr uTha ji mein ki ji len kuchh aur

dast-e-imkan mere shane pe rakha rah jae

sar karun main teri zulfon ki fasilen kuchh aur

jhil to meri bhi palkon pe utar sakti hai

tum karo pesh mohabbat ki dalilen kuchh aur

bujh gaye zahr mein sayyaad ke jalte paikan

khul gain mujh pe ri'ayat ki sabilen kuchh aur

aankh ko chahiye manzar koi apne jaisa

KHushk ho jaen ye KHamosh si jhilen kuchh aur

is se pahle ki sarabon ke safar par niklen

ai chaman honT teri os hi pi len kuchh aur