sar-e-niyaz wo sauda nazar nahin aata
sar-e-niyāz vo saudā nazar nahīñ aatā
vo jaisā pahle thā vaisā nazar nahīñ aatā
vo raat thī to basar ho ga.ī bahar-sūrat
agar ye din hai to kaTtā nazar nahīñ aatā
ye kis kī oT meñ jalte rahe rutoñ ke charāġh
kisī galī meñ ujālā nazar nahīñ aatā
rukūñ to hujla-e-manzil pukārtā hai mujhe
qadam uThā.ūñ to rasta nazar nahīñ aatā
havā meñ ruuī ke gāloñ kī tarah uḌtā hai
mujhe vo qaul kā pakkā nazar nahīñ aatā
'najīb' chaar taraf nafratoñ kī ThāTheñ haiñ
chaḌhā huā ho to dariyā nazar nahīñ aatā
sar-e-niyaz wo sauda nazar nahin aata
wo jaisa pahle tha waisa nazar nahin aata
wo raat thi to basar ho gai bahar-surat
agar ye din hai to kaTta nazar nahin aata
ye kis ki oT mein jalte rahe ruton ke charagh
kisi gali mein ujala nazar nahin aata
rukun to hujla-e-manzil pukarta hai mujhe
qadam uThaun to rasta nazar nahin aata
hawa mein rui ke galon ki tarah uDta hai
mujhe wo qaul ka pakka nazar nahin aata
'najib' chaar taraf nafraton ki ThaThen hain
chaDha hua ho to dariya nazar nahin aata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
