ab kahan ijtinab ke din hain
ab kahāñ ijtināb ke din haiñ
sāqiyā ye sharāb ke din haiñ
zulf lahrā.ī ki ghaTā chhā.ī
shauq ke ehtisāb ke din haiñ
phir jabīñ-sā.ī kar rahā hai 'ishq
husn ke iztirāb ke din haiñ
un ḳharāboñ meñ jo ḳharāb huā
usī ḳhāna-ḳharāb ke din haiñ
ye hai mai-ḳhāna-o-sanam-ḳhāna
raah ke intiḳhāb ke din haiñ
sū-e-mai-ḳhāna aa rahā hai koī
mai-kasho pech-o-tāb ke din haiñ
raat jis bazm meñ kaTī 'vāsif'
usī mahfil ke ḳhvāb ke din haiñ
ab kahan ijtinab ke din hain
saqiya ye sharab ke din hain
zulf lahrai ki ghaTa chhai
shauq ke ehtisab ke din hain
phir jabin-sai kar raha hai 'ishq
husn ke iztirab ke din hain
un KHarabon mein jo KHarab hua
usi KHana-KHarab ke din hain
ye hai mai-KHana-o-sanam-KHana
rah ke intiKHab ke din hain
su-e-mai-KHana aa raha hai koi
mai-kasho pech-o-tab ke din hain
raat jis bazm mein kaTi 'wasif'
usi mahfil ke KHwab ke din hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
