sitare chup hain ki naghma-sara samundar hai
sitāre chup haiñ ki naġhma-sarā samundar hai
shab-e-ḳhamosh ke dil kī sadā samundar hai
sukūt-e-lab ko sadāoñ kā pesh-rau samjho
ki rūd-bār ke aage khulā samundar hai
vo dekhtā hai mire iztirāb ko hañs kar
maiñ tez-rau huuñ vo Thahrā huā samundar hai
mah-o-nujūm dikhāte haiñ aa.ina us ko
falak ke sāmne chehra-numā samundar hai
miTā chale haiñ masāfat kā naqsh ahl-e-talab
havā saroñ meñ hai aur zer-e-pā samundar hai
nazar meñ sūrat-e-sāhil abhī nahīñ aa.ī
mire safar kā har ik marhala samundar hai
sitare chup hain ki naghma-sara samundar hai
shab-e-KHamosh ke dil ki sada samundar hai
sukut-e-lab ko sadaon ka pesh-rau samjho
ki rud-bar ke aage khula samundar hai
wo dekhta hai mere iztirab ko hans kar
main tez-rau hun wo Thahra hua samundar hai
mah-o-nujum dikhate hain aaina us ko
falak ke samne chehra-numa samundar hai
miTa chale hain masafat ka naqsh ahl-e-talab
hawa saron mein hai aur zer-e-pa samundar hai
nazar mein surat-e-sahil abhi nahin aai
mere safar ka har ek marhala samundar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
