dua qubul qalandar ki ho kaho aamin
du'ā qubūl qalandar kī ho kaho āmīn
suḳhan meñ 'iid suḳhanvar kī ho kaho āmīn
hamārī tishna-labī meñ bahāv ho itnā
hamārī pyaas samundar kī ho kaho āmīn
hamārī tishna-labī se vahī to vāqif hai
sharāb ho to sitam-gar kī ho kaho āmīn
fazā meñ zaaġh hī uḌte haiñ āj-kal 'ādil'
kabhī uḌaan kabūtar kī ho kaho āmīn
du'a qubul qalandar ki ho kaho aamin
suKHan mein 'id suKHanwar ki ho kaho aamin
hamari tishna-labi mein bahaw ho itna
hamari pyas samundar ki ho kaho aamin
hamari tishna-labi se wahi to waqif hai
sharab ho to sitam-gar ki ho kaho aamin
faza mein zagh hi uDte hain aaj-kal 'adil'
kabhi uDan kabutar ki ho kaho aamin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
