baham kuchh is tarah hone ke sab asbab karta hai
baham kuchh is tarah hone ke sab asbāb kartā hai
vo merī ḳhaak ko chhū kar sitāra-yāb kartā hai
mire shauq-e-safar kī ik ye adnā sī karāmat hai
samundar ḳhud hī apne aap ko pāyāb kartā hai
ye kaisī pyaas hai pī jaatī hai kārez tak ko bhī
ye kaisā ġham hai dil ko aur bhī sairāb kartā hai
kabhī dāman pasārā hī nahīñ mahtāb ke aage
hamārī raah raushan kirmak-e-shab-tāb kartā hai
ye āñkhoñ kā 'ilāqa hai yahāñ bach kar qadam rakhiye
ki dil jaise shanāvar ko bhī ye ġharqāb kartā hai
baham kuchh is tarah hone ke sab asbab karta hai
wo meri KHak ko chhu kar sitara-yab karta hai
mere shauq-e-safar ki ek ye adna si karamat hai
samundar KHud hi apne aap ko payab karta hai
ye kaisi pyas hai pi jati hai karez tak ko bhi
ye kaisa gham hai dil ko aur bhi sairab karta hai
kabhi daman pasara hi nahin mahtab ke aage
hamari rah raushan kirmak-e-shab-tab karta hai
ye aankhon ka 'ilaqa hai yahan bach kar qadam rakhiye
ki dil jaise shanawar ko bhi ye gharqab karta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
