baad-paima hai mauj-e-har-dariya

bād-paimā hai mauj-e-har-dariyā

sāhil-andesh haiñ magar dariyā

sat.h-e-dariyā havāoñ kī halchal

qa'r-e-dariyā sarāb dar-dariyā

rāste hī badalte rahte haiñ

manziloñ se haiñ be-ḳhabar dariyā

koh-e-ātish-fashāñ ke dāman meñ

bah rahe haiñ idhar udhar dariyā

kuchh maqāmāt se guzarte haiñ

ab bhī yādoñ meñ Duub kar dariyā

phir bhī dariyā haiñ laakh rakhte hoñ

apne āġhosh meñ bhañvar dariyā

zindagī dopahar hai sāvan kī

har nafas aag har nazar dariyā

dekhiye sail-e-ġham kahāñ Thahre

dil samundar hai chashm-e-tar dariyā

har samundar sarāb ban jaa.e

rau meñ 'shāhid' na hoñ agar dariyā

baad-paima hai mauj-e-har-dariya

sahil-andesh hain magar dariya

sath-e-dariya hawaon ki halchal

qa'r-e-dariya sarab dar-dariya

raste hi badalte rahte hain

manzilon se hain be-KHabar dariya

koh-e-atish-fashan ke daman mein

bah rahe hain idhar udhar dariya

kuchh maqamat se guzarte hain

ab bhi yaadon mein Dub kar dariya

phir bhi dariya hain lakh rakhte hon

apne aaghosh mein bhanwar dariya

zindagi dopahar hai sawan ki

har nafas aag har nazar dariya

dekhiye sail-e-gham kahan Thahre

dil samundar hai chashm-e-tar dariya

har samundar sarab ban jae

rau mein 'shahid' na hon agar dariya