sambhaalne se tabiat kahan sambhalti hai
sambhālne se tabī.at kahāñ sambhaltī hai
vo be-kasī hai ki duniyā ragoñ meñ chaltī hai
ye sard-mehr ujālā ye jītī-jāgtī raat
tire ḳhayāl se tasvīr-e-māh jaltī hai
vo chaal ho ki badan ho kamān jaisī kashish
qadam se ghaat adā se adā nikaltī hai
tumheñ ḳhayāl nahīñ kis tarah batā.eñ tumheñ
ki saañs chaltī hai lekin udaas chaltī hai
tumhāre shahr kā insāf hai ajab insāf
idhar nigāh udhar zindagī badaltī hai
bikhar ga.e mujhe sāñche meñ Dhālne vaale
yahāñ to zaat bhī sāñche samet Dhaltī hai
ḳhizāñ hai hāsil-e-hañgāma-e-bahār 'ḳhizāñ'
bahār phūltī hai kā.enāt phaltī hai
sambhaalne se tabiat kahan sambhalti hai
wo be-kasi hai ki duniya ragon mein chalti hai
ye sard-mehr ujala ye jiti-jagti raat
tere KHayal se taswir-e-mah jalti hai
wo chaal ho ki badan ho kaman jaisi kashish
qadam se ghat ada se ada nikalti hai
tumhein KHayal nahin kis tarah bataen tumhein
ki sans chalti hai lekin udas chalti hai
tumhaare shahr ka insaf hai ajab insaf
idhar nigah udhar zindagi badalti hai
bikhar gae mujhe sanche mein Dhaalne wale
yahan to zat bhi sanche samet Dhalti hai
KHizan hai hasil-e-hangama-e-bahaar 'KHizan'
bahaar phulti hai kaenat phalti hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
