samajh mein KHak ye jadugari nahin aati

samajh meñ ḳhaak ye jādūgarī nahīñ aatī

charāġh jalte haiñ aur raushnī nahīñ aatī

kisī ke naaz pe afsurda-ḳhātirī dil kī

hañsī kī baat hai phir bhī hañsī nahīñ aatī

na pūchh hai.at-e-tarf-o-chaman ki aisī bhī

bahār baaġh meñ bahkī huī nahīñ aatī

hujūm-e-aish to in tīra-bastiyoñ meñ kahāñ

kahīñ se aah kī āvāz bhī nahīñ aatī

judā.iyoñ se shikāyat to ho bhī jaatī hai

rifāqatoñ se vafā meñ kamī nahīñ aatī

kuchh aisā mahv hai asbāb-e-ranj-o-aish meñ dil

ki aish o ranj kī pahchān hī nahīñ aatī

sazā ye hai ki raheñ chashm-e-lutf se mahrūm

ḳhatā ye hai ki havas peshgī nahīñ aatī

ḳhudā rakhe tirī mahfil kī raunaqeñ ābād

nazārgī se nazar meñ kamī nahīñ aatī

baḌī talāsh se miltī hai zindagī ai dost

qazā kī tarah patā pūchhtī nahīñ aatī

samajh mein KHak ye jadugari nahin aati

charagh jalte hain aur raushni nahin aati

kisi ke naz pe afsurda-KHatiri dil ki

hansi ki baat hai phir bhi hansi nahin aati

na puchh haiat-e-tarf-o-chaman ki aisi bhi

bahaar bagh mein bahki hui nahin aati

hujum-e-aish to in tira-bastiyon mein kahan

kahin se aah ki aawaz bhi nahin aati

judaiyon se shikayat to ho bhi jati hai

rifaqaton se wafa mein kami nahin aati

kuchh aisa mahw hai asbab-e-ranj-o-aish mein dil

ki aish o ranj ki pahchan hi nahin aati

saza ye hai ki rahen chashm-e-lutf se mahrum

KHata ye hai ki hawas peshgi nahin aati

KHuda rakhe teri mahfil ki raunaqen aabaad

nazargi se nazar mein kami nahin aati

baDi talash se milti hai zindagi ai dost

qaza ki tarah pata puchhti nahin aati