main jhuTa hun mujhse hi har jurm hua hai

maiñ jhūTā huuñ mujh se hī har jurm huā hai

tū sachchā hai tū jo chāhe keh saktā hai

gaañv ke chaupāloñ meñ sahme sahme chehre

shahr ke bāzāroñ meñ kaisā hangāma hai

panchhī har sū chīḳham dhaaḌ machāte ubhre

fire kī āvāz se jangal jaag uThā hai

maiñ to sadiyoñ kī mehnat se haañp rahā huuñ

tū kyuuñ chup hai terā chehra kyuuñ utrā hai

ham bhī ek zamāne meñ bad-nām the lekin

chhoḌo yaaro in bātoñ se kyā hotā hai

log zamīñ par jo jī chāhe karte jaa.eñ

allah uupar baiThā sab kuchh dekh rahā hai

shab so.eñ to kaash qayāmat aa hī jaa.e

mujh pe ḳhudā kī maar ye maiñ ne kyā sochā hai

main jhuTa hun mujh se hi har jurm hua hai

tu sachcha hai tu jo chahe keh sakta hai

ganw ke chaupalon mein sahme sahme chehre

shahr ke bazaron mein kaisa hangama hai

panchhi har su chiKHam dhaD machate ubhre

fire ki aawaz se jangal jag uTha hai

main to sadiyon ki mehnat se hanp raha hun

tu kyun chup hai tera chehra kyun utra hai

hum bhi ek zamane mein bad-nam the lekin

chhoDo yaro in baaton se kya hota hai

log zamin par jo ji chahe karte jaen

allah upar baiTha sab kuchh dekh raha hai

shab soen to kash qayamat aa hi jae

mujh pe KHuda ki mar ye main ne kya socha hai