tumhaare nam pe marne se Dar nahin sakta
tumhāre naam pe marne se Dar nahīñ saktā
ḳhumār-e-'ishq kabhī bhī utar nahīñ saktā
vo chehra jis ko udāsī ne gher rakkhā ho
vo chāhe jitnā hasīñ ho nikhar nahīñ saktā
nazar lage na tujhe is liye maiñ kahtā huuñ
tū ek had se ziyāda sañvar nahīñ saktā
jhulastī dhuup meñ sahrā se to guzar jā.ūñ
magar galī se tirī ab guzar nahīñ saktā
hazār bāteñ kahīñ rū-barū tire lekin
vo ek baat jo dil meñ hai kar nahīñ saktā
harā-bharā hī rahegā ye 'umr-bhar 'mushtāq'
ye zaḳhm terī nishānī hai bhar nahīñ saktā
tumhaare nam pe marne se Dar nahin sakta
KHumar-e-'ishq kabhi bhi utar nahin sakta
wo chehra jis ko udasi ne gher rakkha ho
wo chahe jitna hasin ho nikhar nahin sakta
nazar lage na tujhe is liye main kahta hun
tu ek had se ziyaada sanwar nahin sakta
jhulasti dhup mein sahra se to guzar jaun
magar gali se teri ab guzar nahin sakta
hazar baaten kahin ru-baru tere lekin
wo ek baat jo dil mein hai kar nahin sakta
hara-bhara hi rahega ye 'umr-bhar 'mushtaq'
ye zaKHm teri nishani hai bhar nahin sakta
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
