safed-poshi-e-dil ka bharam bhi rakhna hai
safed-poshī-e-dil kā bharam bhī rakhnā hai
tirī ḳhushī ke liye terā ġham bhī rakhnā hai
dil o nazar meñ hazār iḳhtilāf hoñ lekin
jo ishq hai to phir un ko baham bhī rakhnā hai
bichhaḌne milne ke ma.anī judā judā kyuuñ haiñ
har ek baar jab āñkhoñ ko nam bhī rakhnā hai
hasīn hai to use apnī baat rakhne ko
karam ke saath ravā kuchh sitam bhī rakhnā hai
ziyāda der use dekhnā bhī hai 'fāzil'
aur apne aap ko thoḌā sā kam bhī rakhnā hai
safed-poshi-e-dil ka bharam bhi rakhna hai
teri KHushi ke liye tera gham bhi rakhna hai
dil o nazar mein hazar iKHtilaf hon lekin
jo ishq hai to phir un ko baham bhi rakhna hai
bichhaDne milne ke mani juda juda kyun hain
har ek bar jab aankhon ko nam bhi rakhna hai
hasin hai to use apni baat rakhne ko
karam ke sath rawa kuchh sitam bhi rakhna hai
ziyaada der use dekhna bhi hai 'fazil'
aur apne aap ko thoDa sa kam bhi rakhna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
