zist ka lamba safar hai aur main

ziist kā lambā safar hai aur maiñ

rāsta ik pur-ḳhatar hai aur maiñ

rāhzan baiThe na hoñ chhup kar kahīñ

dil meñ luT jaane kā Dar hai aur maiñ

saath meñ koī nahīñ hai ham-safar

ye akelī rah-guzar hai aur maiñ

koī saayā hī nahīñ baiThūñ kahāñ

dhuup hai gard-e-safar hai aur maiñ

ābla-pā huuñ chalā jaatā nahīñ

saḳht mushkil sī Dagar hai aur maiñ

sahrā kī garmī se taptā hai badan

tishnagī hai dopahar hai aur maiñ

duur tak haiñ raat kī ḳhāmoshiyāñ

chāñdnī mahv-e-safar hai aur maiñ

vahshatoñ ke saa.e haiñ chāroñ taraf

raat kā pichhlā pahar hai aur maiñ

sub.h kī aamad hai ye 'irshād' kyā

ujlī ujlī sī sahar hai aur maiñ

zist ka lamba safar hai aur main

rasta ek pur-KHatar hai aur main

rahzan baiThe na hon chhup kar kahin

dil mein luT jaane ka Dar hai aur main

sath mein koi nahin hai ham-safar

ye akeli rah-guzar hai aur main

koi saya hi nahin baiThun kahan

dhup hai gard-e-safar hai aur main

aabla-pa hun chala jata nahin

saKHt mushkil si Dagar hai aur main

sahra ki garmi se tapta hai badan

tishnagi hai dopahar hai aur main

dur tak hain raat ki KHamoshiyan

chandni mahw-e-safar hai aur main

wahshaton ke sae hain chaaron taraf

raat ka pichhla pahar hai aur main

subh ki aamad hai ye 'irshad' kya

ujli ujli si sahar hai aur main