ye kis jaanib main chalta ja raha hun
ye kis jānib maiñ chaltā jā rahā huuñ
na manzil hī na rasta jāntā huuñ
jahāñ se lauT kar aayā na koī
maiñ aise marhale par aa gayā huuñ
sukūn-e-dil kahīñ miltā nahīñ hai
maiñ yuuñ hangām-e-hastī meñ paḌā huuñ
maiñ kaise man' kar saktā kisī ko
maiñ ḳhud hī is balā meñ mubtalā huuñ
kabhī dekhā nahīñ ḳhud apne andar
maiñ apnī zaat se nā-āshnā huuñ
'razā' jang-āzmā.ī yuuñ huī ab
maiñ ḳhud apne muqābil aa gayā huuñ
ye kis jaanib main chalta ja raha hun
na manzil hi na rasta jaanta hun
jahan se lauT kar aaya na koi
main aise marhale par aa gaya hun
sukun-e-dil kahin milta nahin hai
main yun hangam-e-hasti mein paDa hun
main kaise man' kar sakta kisi ko
main KHud hi is bala mein mubtala hun
kabhi dekha nahin KHud apne andar
main apni zat se na-ashna hun
'raza' jang-azmai yun hui ab
main KHud apne muqabil aa gaya hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
