wo jitni der rahe ghar tha mera ghar ki tarah

vo jitnī der rahe ghar thā merā ghar kī tarah

gaye to ghar vahī lagtā hai ik khañDar kī tarah

nahīñ sabāhat-e-ruḳhsār hī sahar kī tarah

haiñ surḳh Dore bhī us aañkh meñ sharar kī tarah

ik aisā sar bhī thā tārīḳh jis pe nāzāñ hai

jo kalma paḌhtā rahā kaT ke zinda sar kī tarah

ḳhud apne aap meñ jalne se fā.eda kyā hai

jalo agar to jalo sham'-e-rah-guzar kī tarah

bhulā.e kaise koī us kā kalma-e-tauhīd

vo dil pe naqsh hai jo naqsh-e-kal-hajar kī tarah

nahīñ hai dhuup magar dhuup kī tapish sī hai

shab-e-firāq to lagtī hai do-pahar kī tarah

safar meñ ik bahut aage hai ik bahut pīchhe

'adīl' ḳhair nahīñ tez-gām shar kī tarah

wo jitni der rahe ghar tha mera ghar ki tarah

gaye to ghar wahi lagta hai ek khanDar ki tarah

nahin sabahat-e-ruKHsar hi sahar ki tarah

hain surKH Dore bhi us aankh mein sharar ki tarah

ek aisa sar bhi tha tariKH jis pe nazan hai

jo kalma paDhta raha kaT ke zinda sar ki tarah

KHud apne aap mein jalne se faeda kya hai

jalo agar to jalo sham'-e-rah-guzar ki tarah

bhulae kaise koi us ka kalma-e-tauhid

wo dil pe naqsh hai jo naqsh-e-kal-hajar ki tarah

nahin hai dhup magar dhup ki tapish si hai

shab-e-firaq to lagti hai do-pahar ki tarah

safar mein ek bahut aage hai ek bahut pichhe

'adil' KHair nahin tez-gam shar ki tarah