samajh len aks ki kari-gari hai pani par

samajh leñ 'aks kī kārī-garī hai paanī par

ye āsmān nahīñ oḌhnī hai paanī par

har ek mauj ġhazal-ḳhvāñ dikhā.ī detī hai

ye kis ne aa ke likhī shā'irī hai paanī par

kalīm ko hai diyā tohfa-e-jamāl-e-tūr

phir us ke baa'd unheñ raah dī hai paanī par

ishāra pā ke havāoñ kā jānib-e-manzil

hamārī naav chalī jā rahī hai paanī par

maiñ buuñd buuñd kā goyā hisāb rakhtā huuñ

ki munhasir hī mirī zindagī hai paanī par

vo sāniha jo huā us ke baa'd nahr-e-furāt

'ajīb qism kī sharmindagī hai paanī par

ye chār-sū hai jo bikhrī sī chāñdnī 'adnān'

ye māhtāb kī jalva-garī hai paanī par

samajh len 'aks ki kari-gari hai pani par

ye aasman nahin oDhni hai pani par

har ek mauj ghazal-KHwan dikhai deti hai

ye kis ne aa ke likhi sha'iri hai pani par

kalim ko hai diya tohfa-e-jamal-e-tur

phir us ke ba'd unhen rah di hai pani par

ishaara pa ke hawaon ka jaanib-e-manzil

hamari naw chali ja rahi hai pani par

main bund bund ka goya hisab rakhta hun

ki munhasir hi meri zindagi hai pani par

wo saniha jo hua us ke ba'd nahr-e-furaat

'ajib qism ki sharmindagi hai pani par

ye chaar-su hai jo bikhri si chandni 'adnan'

ye mahtab ki jalwa-gari hai pani par