saKHt wahshat se hain do-chaar safar karte hain
saKHt wahshat se hain do-chaar safar karte hain
Mohammad Mustahsan Jami
MORE BYMohammad Mustahsan Jami
saḳht vahshat se haiñ do-chār safar karte haiñ
dasht kī samt 'azādār safar karte haiñ
'ishq kā rāsta duniyā meñ 'ajab rasta hai
jis pe sab mun'im-o-nādār safar karte haiñ
saḳht hairat hai mire dost faqat peḌ nahīñ
is jazīre pe to kohsār safar karte haiñ
hijr hai qāfila-sālār azal se merā
zaḳhm ban kar mire ansār safar karte haiñ
naqsh rah jaate haiñ alfāz diloñ par 'jāmī'
chāhe jaise bhī hoñ afkār safar karte haiñ
saKHt wahshat se hain do-chaar safar karte hain
dasht ki samt 'azadar safar karte hain
'ishq ka rasta duniya mein 'ajab rasta hai
jis pe sab mun'im-o-nadar safar karte hain
saKHt hairat hai mere dost faqat peD nahin
is jazire pe to kohsar safar karte hain
hijr hai qafila-salar azal se mera
zaKHm ban kar mere ansar safar karte hain
naqsh rah jate hain alfaz dilon par 'jami'
chahe jaise bhi hon afkar safar karte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
