rafta rafta badal gae raste

rafta rafta badal ga.e raste

ghup añdhere meñ Dhal ga.e raste

so gayā thā kisī sarā.e meñ

aur aage nikal ga.e raste

kuchh gharoñdoñ ko khā gayā dariyā

kuchh gharoñ ko nigal ga.e raste

kitnī be-samt ho ga.iiñ rāheñ

kitne bojhal haiñ āj-kal raste

āsmāñ bhī pighal gayā yaaro

aur paaoñ meñ jal ga.e raste

chār-sū tū hī tū nazar aayā

ham ne dekhā badal badal raste

nā-gahāñ tham ga.ī zamīñ 'az.har'

maiñ ye samjhā sañbhal ga.e raste

rafta rafta badal gae raste

ghup andhere mein Dhal gae raste

so gaya tha kisi sarae mein

aur aage nikal gae raste

kuchh gharondon ko kha gaya dariya

kuchh gharon ko nigal gae raste

kitni be-samt ho gain rahen

kitne bojhal hain aaj-kal raste

aasman bhi pighal gaya yaro

aur paon mein jal gae raste

chaar-su tu hi tu nazar aaya

hum ne dekha badal badal raste

na-gahan tham gai zamin 'azhar'

main ye samjha sanbhal gae raste