purani kashti ko par le kar faqat hamara hunar gaya hai
purānī kashtī ko paar le kar faqat hamārā hunar gayā hai
na.e khivaiyye kahīñ na samjheñ nadī kā paanī utar gayā hai
ye hosh-mandī ke ūñche dā've kisī munāsib jagah pe karte
ye mai-kada hai yahāñ se koī kahīñ gayā be-ḳhabar gayā hai
na ḳhvāb baaqī haiñ manziloñ ke na jānkārī hai rah-guzar kī
faqīr man to bulandiyoñ par Thahar gayā so Thahar gayā hai
javān āñkhoñ meñ kitne sapne sunahrī dhaj ke dikhā.ī dete
samay ke sūraj kā 'aks jaise nadī ke jal meñ utar gayā hai
'uday' ke baare meñ kuchh na pūchho purānī mastī abhī javāñ hai
ki bazm-e-yārāñ meñ shab guzārī pata nahīñ ab kidhar gayā hai
purani kashti ko par le kar faqat hamara hunar gaya hai
nae khiwaiyye kahin na samjhen nadi ka pani utar gaya hai
ye hosh-mandi ke unche da'we kisi munasib jagah pe karte
ye mai-kada hai yahan se koi kahin gaya be-KHabar gaya hai
na KHwab baqi hain manzilon ke na jaankari hai rah-guzar ki
faqir man to bulandiyon par Thahar gaya so Thahar gaya hai
jawan aankhon mein kitne sapne sunahri dhaj ke dikhai dete
samay ke suraj ka 'aks jaise nadi ke jal mein utar gaya hai
'uday' ke bare mein kuchh na puchho purani masti abhi jawan hai
ki bazm-e-yaran mein shab guzari pata nahin ab kidhar gaya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
