paniyon ka kya safar jangal na koi ganw hai

pāniyoñ kā kyā safar jangal na koī gaañv hai

ḳhaak par chaliye ki sustāne ko ThanDī chhāñv hai

har 'ufuq tak aañkh ne phailā diyā hai rang-e-dil

āsmāñ-dar-āsmāñ huuñ go zamīñ par paaoñ hai

jal rahā huuñ dopahar kī aag meñ tanhā khaḌā

sar pe sūraj hai mire qadmoñ ke nīche chhāñv hai

jis kī galiyāñ shaam se so jaa.eñ ghar marqad lageñ

sach hai aise shahr se achchhā to apnā gaañv hai

jis jagah par bhī paḌegā naqsh chhoḌegā 'ajab

abr kā saaya nahīñ ye aadmī kā paaoñ hai

koī chhappar meñ magan hai koī aivāñ meñ 'ḳhalīl'

apnā apnā baḳht hai ye apnī apnī chhāñv hai

paniyon ka kya safar jangal na koi ganw hai

KHak par chaliye ki sustane ko ThanDi chhanw hai

har 'ufuq tak aankh ne phaila diya hai rang-e-dil

aasman-dar-asman hun go zamin par paon hai

jal raha hun dopahar ki aag mein tanha khaDa

sar pe suraj hai mere qadmon ke niche chhanw hai

jis ki galiyan sham se so jaen ghar marqad lagen

sach hai aise shahr se achchha to apna ganw hai

jis jagah par bhi paDega naqsh chhoDega 'ajab

abr ka saya nahin ye aadmi ka paon hai

koi chhappar mein magan hai koi aiwan mein 'KHalil'

apna apna baKHt hai ye apni apni chhanw hai