kuchh is liye bhi mujhe aaina pasand nahin

kuchh is liye bhī mujhe aa.ina pasand nahīñ

maiñ sāf-goī meñ bhī intihā pasand nahīñ

ham us se ḳhair kī ummīd kyā rakheñ jis ko

diye se rabt nahīñ aur havā pasand nahīñ

tamām 'umr paḌāv pe kāTnā hogī

safar kā shauq hai aur rāsta pasand nahīñ

mirā ḳhulūs ki us kī jagah pe kaT rahā huuñ

vo shāḳh jis ko mirā ghoñsla pasand nahīñ

tumhāre sāmne sach bolne se ruk gaye haiñ

hameñ batāo tumheñ aur kyā pasand nahīñ

ye aur baat ki dil meñ jagah na deñge use

magar vo shaḳhs hameñ ab bhī nā-pasand nahīñ

'zahīr' us ko bachānā hai Dūbne se mujhe

vo dost jis ko mirā tairnā pasand nahīñ

kuchh is liye bhi mujhe aaina pasand nahin

main saf-goi mein bhi intiha pasand nahin

hum us se KHair ki ummid kya rakhen jis ko

diye se rabt nahin aur hawa pasand nahin

tamam 'umr paDaw pe kaTna hogi

safar ka shauq hai aur rasta pasand nahin

mera KHulus ki us ki jagah pe kaT raha hun

wo shaKH jis ko mera ghonsla pasand nahin

tumhaare samne sach bolne se ruk gaye hain

hamein batao tumhein aur kya pasand nahin

ye aur baat ki dil mein jagah na denge use

magar wo shaKHs hamein ab bhi na-pasand nahin

'zahir' us ko bachana hai Dubne se mujhe

wo dost jis ko mera tairna pasand nahin