kisi manzil ko bhi KHabar na lage

kisī manzil ko bhī ḳhabar na lage

yuuñ chalo zindagī safar na lage

'aql-e-hīla-tarāz chāhtī hai

aisī baazī ki jis meñ sar na lage

do qadam dushmanoñ ke saath bhī chal

haañ agar dostoñ se Dar na lage

manziloñ dil ke saath saath aayā

ham-safar vo ki ham-safar na lage

tere ġham se sukūn milne lagā

tere ġham ko kahīñ nazar na lage

haa.e kis vaqt tum ne yaad kiyā

haa.e us vaqt ham ko par na lage

aaj bistar to narm hai 'bāqī'

aur agar aañkh raat bhar na lage

kisi manzil ko bhi KHabar na lage

yun chalo zindagi safar na lage

'aql-e-hila-taraaz chahti hai

aisi bazi ki jis mein sar na lage

do qadam dushmanon ke sath bhi chal

han agar doston se Dar na lage

manzilon dil ke sath sath aaya

ham-safar wo ki ham-safar na lage

tere gham se sukun milne laga

tere gham ko kahin nazar na lage

hae kis waqt tum ne yaad kiya

hae us waqt hum ko par na lage

aaj bistar to narm hai 'baqi'

aur agar aankh raat bhar na lage