kis samt se aaya hai tu jaana hai kidhar dekh

kis samt se aayā hai tū jaanā hai kidhar dekh

ai shaḳhs zarā apnā safar zād-e-safar dekh

aa jā.eñge sūkhe hue peḌoñ pe samar dekh

ai jān-e-bahārāñ tū faqat ek nazar dekh

ḳhush-fahm jazīroñ kī havāoñ se nikal kar

ik baar haqīqat ke samundar meñ utar dekh

jazbāt ke tūfān se mat sarf-e-nazar kar

ḳhud apne ishārāt samajh zer-o-zabar dekh

us raat ke pur-haul bayābāñ se guzar kar

phūloñ ko jagāne hai chalī bād-e-sahar dekh

mat dekh ki kyā haal huā ahl-e-hunar kā

ai jān-e-suḳhan shauq-o-tamanna-e-hunar dekh

juz tere koī aur to hājat nahīñ rakkhī

ai hāsil-e-dil hālat-e-dil bār-e-digar dekh

kis samt se aaya hai tu jaana hai kidhar dekh

ai shaKHs zara apna safar zad-e-safar dekh

aa jaenge sukhe hue peDon pe samar dekh

ai jaan-e-bahaaran tu faqat ek nazar dekh

KHush-fahm jaziron ki hawaon se nikal kar

ek bar haqiqat ke samundar mein utar dekh

jazbaat ke tufan se mat sarf-e-nazar kar

KHud apne ishaaraat samajh zer-o-zabar dekh

us raat ke pur-haul bayaban se guzar kar

phulon ko jagane hai chali baad-e-sahar dekh

mat dekh ki kya haal hua ahl-e-hunar ka

ai jaan-e-suKHan shauq-o-tamanna-e-hunar dekh

juz tere koi aur to hajat nahin rakkhi

ai hasil-e-dil haalat-e-dil bar-e-digar dekh