isko nam junun ka de lo pyar kaho ki dular kaho

is ko naam junūñ kā de lo pyaar kaho ki dulār kaho

aisā aur kisī kā dekhā dil kā kār-o-bār kaho

bastī meñ dīvāna samjho dasht meñ ham ko ḳhvār kaho

un se ek na ek bahāne honā thā do chaar kaho

aur kisī ke dar par jaa.eñ chhoḌ ke un kā dvaar magar

aisī achchhī āñkhoñ vaale kitne haiñ sarkār kaho

tum ne haal hamārā dekhā tum jo baaġh o bahārāñ meñ

gul ko chāk-badāmāñ jaano nargis ko bīmār kaho

biich bhañvar ke manzil karte ham to yuuñ bhī pahuñcheñge

ek Take meñ le chalte ho māñjhī dariyā paar kaho

ham bhī tire kaunain bhī tere duniyā kyā aur 'uqbā kyā

biich meñ kyuuñ ai dost uThā dī nā-haq kī dīvār kaho

'inshā' jī ye faiz hai kis kā kyā hai us kā naam maqām

ham to rang tumhārā jāneñ aise kab ash'ār kaho

is ko nam junun ka de lo pyar kaho ki dular kaho

aisa aur kisi ka dekha dil ka kar-o-bar kaho

basti mein diwana samjho dasht mein hum ko KHwar kaho

un se ek na ek bahane hona tha do chaar kaho

aur kisi ke dar par jaen chhoD ke un ka dwar magar

aisi achchhi aankhon wale kitne hain sarkar kaho

tum ne haal hamara dekha tum jo bagh o bahaaran mein

gul ko chaak-badaman jaano nargis ko bimar kaho

bich bhanwar ke manzil karte hum to yun bhi pahunchenge

ek Take mein le chalte ho manjhi dariya par kaho

hum bhi tere kaunain bhi tere duniya kya aur 'uqba kya

bich mein kyun ai dost uTha di na-haq ki diwar kaho

'insha' ji ye faiz hai kis ka kya hai us ka nam maqam

hum to rang tumhaara jaanen aise kab ash'ar kaho