insan ke sath jism ka saya na jaega

insāñ ke saath jism kā saaya na jā.egā

ab koī bhī charāġh bujhāyā na jā.egā

jaanā hai jis ko uTh ke mire sāmne se jaa.e

nazroñ se ab kisī ko girāyā na jā.egā

ham ā.ina-sifāt haiñ chilman-sifat nahīñ

dil meñ jo hai vo ham se chhupāyā nā jā.egā

vājib hai is liye bhī ye ġhusl-e-safar ki ham

jaate haiñ vaañ jahāñ se phir aayā na jā.egā

koī ḳhabar to de ki nishāne pe ham bhī haiñ

us kā phir ek tiir bhī zaa.e' na jā.egā

pahle nigāh-e-kaif meñ saaqī Dubo ise

varna ye jaam ham se uThāyā na jā.egā

mehmāñ vo hogā bahr-e-takalluf mirā to phir

aise meñ ham se ghar ko sajāyā na jā.egā

insan ke sath jism ka saya na jaega

ab koi bhi charagh bujhaya na jaega

jaana hai jis ko uTh ke mere samne se jae

nazron se ab kisi ko giraya na jaega

hum aaina-sifat hain chilman-sifat nahin

dil mein jo hai wo hum se chhupaya na jaega

wajib hai is liye bhi ye ghusl-e-safar ki hum

jate hain wan jahan se phir aaya na jaega

koi KHabar to de ki nishane pe hum bhi hain

us ka phir ek tir bhi zae' na jaega

pahle nigah-e-kaif mein saqi Dubo ise

warna ye jam hum se uThaya na jaega

mehman wo hoga bahr-e-takalluf mera to phir

aise mein hum se ghar ko sajaya na jaega