ek din ye KHabar chhoD jaunga main

ek din ye ḳhabar chhoḌ jā.ūñgā maiñ

zindagī kā safar chhoḌ jā.ūñgā maiñ

apnī parvāz par zabt kaise karūñ

tang aakar ye ghar chhoḌ jā.ūñgā maiñ

jo milā hai yahīñ se milā is liye

jo bhī paayā idhar chhoḌ jā.ūñgā maiñ

un ke aañsū baheñge mire naam par

'ishq kā vo asar chhoḌ jā.ūñgā maiñ

merā hāsil ye misre' haiñ aur 'ilm hai

so ġhazal kā hunar chhoḌ jā.ūñgā maiñ

jis nazar se vo dekheñ jahāñ mere baa'd

ek aisī nazar chhoḌ jā.ūñgā maiñ

saḳht mushkil hai 'qaisar' jahāñ chhoḌnā

is jahāñ ko magar chhoḌ jā.ūñgā maiñ

ek din ye KHabar chhoD jaunga main

zindagi ka safar chhoD jaunga main

apni parwaz par zabt kaise karun

tang aakar ye ghar chhoD jaunga main

jo mila hai yahin se mila is liye

jo bhi paya idhar chhoD jaunga main

un ke aansu bahenge mere nam par

'ishq ka wo asar chhoD jaunga main

mera hasil ye misre' hain aur 'ilm hai

so ghazal ka hunar chhoD jaunga main

jis nazar se wo dekhen jahan mere ba'd

ek aisi nazar chhoD jaunga main

saKHt mushkil hai 'qaisar' jahan chhoDna

is jahan ko magar chhoD jaunga main