dur ho kar wo meri nazar mein raha
duur ho kar vo merī nazar meñ rahā
maiñ mohabbat ke aise safar meñ rahā
mujh se khul kar mohabbat nahīñ ho sakī
maiñ tumhāre bichhaḌne ke Dar meñ rahā
kitne phūloñ bhare din yuuñ hī kaT gaye
maiñ bahut der tere asar meñ rahā
din parinde kā guzrā hai parvāz meñ
dhyān us kā magar ik shajar meñ rahā
mere dam hī se thiiñ sansanī-ḳheziyāñ
maiñ nahīñ jab rahā kyā ḳhabar meñ rahā
'umr hijrat meñ apnī kaTī hai magar
dil hamārā muzaffar-nagar meñ rahā
dur ho kar wo meri nazar mein raha
main mohabbat ke aise safar mein raha
mujh se khul kar mohabbat nahin ho saki
main tumhaare bichhaDne ke Dar mein raha
kitne phulon bhare din yun hi kaT gaye
main bahut der tere asar mein raha
din parinde ka guzra hai parwaz mein
dhyan us ka magar ek shajar mein raha
mere dam hi se thin sansani-KHeziyan
main nahin jab raha kya KHabar mein raha
'umr hijrat mein apni kaTi hai magar
dil hamara muzaffar-nagar mein raha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
