chehre pe hai abhi bhi safar ki thakan dekh

chehre pe hai abhī bhī safar kī thakān dekh

phir bhī mire shikasta paroñ kī uḌaan dekh

duniyā meñ kaun dost hai dushman hai kaun kaun

haiñ kis ke kis ke haath meñ tīr-o-kamān dekh

tujh ko tire vujūd pe kitnā ġhurūr thā

miTTī meñ dab ke miT gaye nām-o-nishān dekh

kis tarh shaḳhsiyat ko tarāshā hai 'umr bhar

patthar se jism par haiñ numāyāñ nishān dekh

de tund āb-jū ke zarā hausle ko daad

kis tarh kaaT detī hai mushkil chaTān dekh

'farhān' apne talḳh ravayye pe ġhaur kar

is se bhī TuuT jaatā hai dil kā jahān dekh

chehre pe hai abhi bhi safar ki thakan dekh

phir bhi mere shikasta paron ki uDan dekh

duniya mein kaun dost hai dushman hai kaun kaun

hain kis ke kis ke hath mein tir-o-kaman dekh

tujh ko tere wujud pe kitna ghurur tha

miTTi mein dab ke miT gaye nam-o-nishan dekh

kis tarh shaKHsiyat ko tarasha hai 'umr bhar

patthar se jism par hain numayan nishan dekh

de tund aab-ju ke zara hausle ko dad

kis tarh kaT deti hai mushkil chaTan dekh

'farhan' apne talKH rawayye pe ghaur kar

is se bhi TuT jata hai dil ka jahan dekh