be-makani ras aaegi makan hone ke baad

be-makānī raas aa.egī makāñ hone ke baa'd

ye zamīñ ro.egī mujh ko āsmāñ hone ke baa'd

achchhī bāteñ achchhe logoñ kī tamannā chhoḌiye

dil ko samjhāyā bahut lekin zabāñ hone ke baa'd

ek pal ḳhush-fahmiyoñ kā le gayā saarā hunar

DhūñDtā phirtā huuñ ḳhud ko rā.egāñ hone ke baa'd

maiñ akelā thā to kitnī manzileñ sar ho ga.iiñ

TuuT kar bikhrā huuñ mīr-e-kārvāñ hone ke baa'd

āsmānoñ se utar aa.e the 'aḳhtar' kis liye

sham' kī chaukhaT pe baiThe ho dhuāñ hone ke baa'd

be-makani ras aaegi makan hone ke ba'd

ye zamin roegi mujh ko aasman hone ke ba'd

achchhi baaten achchhe logon ki tamanna chhoDiye

dil ko samjhaya bahut lekin zaban hone ke ba'd

ek pal KHush-fahmiyon ka le gaya sara hunar

DhunDta phirta hun KHud ko raegan hone ke ba'd

main akela tha to kitni manzilen sar ho gain

TuT kar bikhra hun mir-e-karwan hone ke ba'd

aasmanon se utar aae the 'aKHtar' kis liye

sham' ki chaukhaT pe baiThe ho dhuan hone ke ba'd