aasmanon ki tamanna mein zamin ke na rahe
āsmānoñ kī tamannā meñ zamīñ ke na rahe
ḳhvāb vo dekhe the ham ne ki kahīñ ke na rahe
nashsha-e-shauq-e-safar TuuTā to ehsās huā
jis jagah kā hameñ honā thā vahīñ ke na rahe
zindagī tujh se mohabbat to hai ab bhī lekin
tere baare meñ ka.ī rang yaqīñ ke na rahe
ham se raushan huā kartī thī kabhī vādī-e-gul
ab to ye hai ki kisī māh-jabīñ ke na rahe
'āshnā' zīnat-e-bāzār haiñ ab saiñkaḌoñ chāñd
ḳhvāb āñkhoñ meñ kisī parda-nashīñ ke na rahe
aasmanon ki tamanna mein zamin ke na rahe
KHwab wo dekhe the hum ne ki kahin ke na rahe
nashsha-e-shauq-e-safar TuTa to ehsas hua
jis jagah ka hamein hona tha wahin ke na rahe
zindagi tujh se mohabbat to hai ab bhi lekin
tere bare mein kai rang yaqin ke na rahe
hum se raushan hua karti thi kabhi wadi-e-gul
ab to ye hai ki kisi mah-jabin ke na rahe
'ashna' zinat-e-bazar hain ab sainkaDon chand
KHwab aankhon mein kisi parda-nashin ke na rahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
