main jaanta hun murawwat mein mare jaenge
maiñ jāntā huuñ muravvat meñ maare jā.eñge
jo narm-dil haiñ mohabbat meñ maare jā.eñge
abhī to maut ke ḳhvāboñ ke silsile haiñ magar
ham ek roz haqīqat meñ maare jā.eñge
mizāj shahr meñ sab kā munāfiqāna hai
ham apnī saada tabī’at meñ maare jā.eñge
lagegī dekhnā phūloñ kī bad-du'ā un ko
vo ḳhushbuoñ kī tijārat meñ maare jā.eñge
nikal bhī jaa.eñ agar mas.aloñ ke dozaḳh se
to ham sukūn kī jannat meñ maare jā.eñge
main jaanta hun murawwat mein mare jaenge
jo narm-dil hain mohabbat mein mare jaenge
abhi to maut ke KHwabon ke silsile hain magar
hum ek roz haqiqat mein mare jaenge
mizaj shahr mein sab ka munafiqana hai
hum apni sada tabi’at mein mare jaenge
lagegi dekhna phulon ki bad-du'a un ko
wo KHushbuon ki tijarat mein mare jaenge
nikal bhi jaen agar masalon ke dozaKH se
to hum sukun ki jannat mein mare jaenge
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
