aati hai dil-nawaz kisi ki sada ghazal

aatī hai dil-navāz kisī kī sadā ġhazal

us ko tū apne tarz-e-adā meñ basā ġhazal

merā qayās hai ki vo bante jabhī haiñ phuul

ġhunchoñ ko jab sunātī hai bād-e-sabā ġhazal

maqbūliyat pe terī na aañch aa sakī kabhī

haalī ne aur kalīm ne dī bad-du'ā ġhazal

terā nizām mere suḳhan ko hai sāz-gār

is vāste haiñ tujh pe dil-o-jāñ fidā ġhazal

har vaqt hai 'suhail' ke lab par yahī du'ā

hotā rahe hamesha tirā irtiqā ġhazal

aati hai dil-nawaz kisi ki sada ghazal

us ko tu apne tarz-e-ada mein basa ghazal

mera qayas hai ki wo bante jabhi hain phul

ghunchon ko jab sunati hai baad-e-saba ghazal

maqbuliyat pe teri na aanch aa saki kabhi

haali ne aur kalim ne di bad-du'a ghazal

tera nizam mere suKHan ko hai saz-gar

is waste hain tujh pe dil-o-jaan fida ghazal

har waqt hai 'suhail' ke lab par yahi du'a

hota rahe hamesha tera irtiqa ghazal