aag dil ki bujhate hue mar gae

aag dil kī bujhāte hue mar ga.e

ḳhaak apnī uḌāte hue mar ga.e

ek rishta nibhāne kī ḳhvāhish thī bas

ek rishta nibhāte hue mar ga.e

aa ke pūchhegā vo tab batā.eñge ham

ḳhud ko kyuuñ ham satāte hue mar ga.e

man lagānā thā mushkil hamārā jahāñ

ham vahāñ dil lagāte hue mar ga.e

thī basī ham meñ jo ek duniyā sadā

ham vo duniyā bachāte hue mar ga.e

maut ko zindagī kī lagī pyaas jab

pyaas ko ham bujhāte hue mar ga.e

aag dil ki bujhate hue mar gae

KHak apni uDate hue mar gae

ek rishta nibhane ki KHwahish thi bas

ek rishta nibhate hue mar gae

aa ke puchhega wo tab bataenge hum

KHud ko kyun hum satate hue mar gae

man lagana tha mushkil hamara jahan

hum wahan dil lagate hue mar gae

thi basi hum mein jo ek duniya sada

hum wo duniya bachate hue mar gae

maut ko zindagi ki lagi pyas jab

pyas ko hum bujhate hue mar gae