hum ko sach kahne ki qimat mil gai

ham ko sach kahne kī qīmat mil ga.ī

kuchh na kahne kī nasīhat mil ga.ī

muddatoñ ke baa'd aayā ḳhat tirā

yuuñ lagā jaise riyāsat mil ga.ī

mil gayā īmān-dārī kā hunar

bas buzurgoñ kī virāsat mil ga.ī

vo sikandar bhī to ḳhālī hī gayā

kyā huā jo tum ko daulat mil ga.ī

aap mujh se raah meñ kyā mil gaye

shahr bhar ko ik sharārat mil ga.ī

aur kyā jiine ko 'gulshan' chāhiye

thoḌā ġham thoḌī mohabbat mil ga.ī

hum ko sach kahne ki qimat mil gai

kuchh na kahne ki nasihat mil gai

muddaton ke ba'd aaya KHat tera

yun laga jaise riyasat mil gai

mil gaya iman-dari ka hunar

bas buzurgon ki wirasat mil gai

wo sikandar bhi to KHali hi gaya

kya hua jo tum ko daulat mil gai

aap mujh se rah mein kya mil gaye

shahr bhar ko ek shararat mil gai

aur kya jine ko 'gulshan' chahiye

thoDa gham thoDi mohabbat mil gai