qubul hoti duaon pe sabr karte hue

qubūl hotī du'āoñ pe sabr karte hue

pighalte jaate haiñ maaoñ pe sabr karte hue

maiñ ek sachchī mohabbat kī laaj rakhtā huuñ

hazār jhūTe ḳhudāoñ pe sabr karte hue

badan se jhaaḌ ke sho'le hasad kī ātish ke

nikal paḌā huuñ maiñ gaañv pe sabr karte hue

pahuñchtā vo hai jo raftār ko rakhe qaa.em

'aqab meñ aatī balāoñ pe sabr karte hue

lahū kī aag meñ har chiiz jhoñk dete haiñ

faqīr apnī anāoñ pe sabr karte hue

barahna shāḳhoñ ke dam-ḳham pe naaz kartā huuñ

kaTī chhaTī huī chhāñv pe sabr karte hue

qubul hoti du'aon pe sabr karte hue

pighalte jate hain maon pe sabr karte hue

main ek sachchi mohabbat ki laj rakhta hun

hazar jhuTe KHudaon pe sabr karte hue

badan se jhaD ke sho'le hasad ki aatish ke

nikal paDa hun main ganw pe sabr karte hue

pahunchta wo hai jo raftar ko rakhe qaem

'aqab mein aati balaon pe sabr karte hue

lahu ki aag mein har chiz jhonk dete hain

faqir apni anaon pe sabr karte hue

barahna shaKHon ke dam-KHam pe naz karta hun

kaTi chhaTi hui chhanw pe sabr karte hue