bar-sar-e-dashna-o-shamshir-o-tabar kaTta hai

bar-sar-e-dashna-o-shamshīr-o-tabar kaTtā hai

zaḳhm siine se ulajhte haiñ to Dar kaTtā hai

rone lagtā huuñ to aa jaatī hai chehre pe ḳharāsh

zabt kartā huuñ to andar se jigar kaTtā hai

sar jhukātā huuñ to martā hai 'aqīda merā

aur 'aqīde ko bachātā huuñ to sar kaTtā hai

she'r vo lafz-tarāshī kā 'amal hai jis meñ

harf-rezoñ se mirā dast-e-hunar kaTtā hai

koī dīvār uThā rakhtī hai chhat kāñdhoñ par

kisī dīvār ke uThne se bhī ghar kaTtā hai

ab vo chaupāl ke qisse na vo fursat na vo log

ab to har gaañv se bargad kā shajar kaTtā hai

bar-sar-e-dashna-o-shamshir-o-tabar kaTta hai

zaKHm sine se ulajhte hain to Dar kaTta hai

rone lagta hun to aa jati hai chehre pe KHarash

zabt karta hun to andar se jigar kaTta hai

sar jhukata hun to marta hai 'aqida mera

aur 'aqide ko bachata hun to sar kaTta hai

she'r wo lafz-tarashi ka 'amal hai jis mein

harf-rezon se mera dast-e-hunar kaTta hai

koi diwar uTha rakhti hai chhat kandhon par

kisi diwar ke uThne se bhi ghar kaTta hai

ab wo chaupal ke qisse na wo fursat na wo log

ab to har ganw se bargad ka shajar kaTta hai