ai malik-e-jahan ye guzarish qubul kar

ai mālik-e-jahāñ ye guzārish qubūl kar

is dāġhdār qalb ko patthar se phuul kar

ab yād-e-raftagāñ meñ na dil ko malūl kar

zikr-e-ḳhudā se ruuh ko mariyam butūl kar

is tarh mere sabr ko qāsid na aazmā

ik muḳhtasar sī baat meñ paidā na tuul kar

qurb-e-ḳhudā ho hājat-e-taskīn-e-qalb ho

har haal meñ zabāñ se tū zikr-e-rasūl kar

vāqif huuñ mai-kade kī sabhī rasm-o-rāh se

saaqī na mujh ko yaad dilāne kī bhuul kar

phir abraha kā lashkar-e-jarrār hai ravāñ

manzūr phir tuyūr-e-falak kā nuzūl kar

ai malik-e-jahan ye guzarish qubul kar

is daghdar qalb ko patthar se phul kar

ab yaad-e-raftagan mein na dil ko malul kar

zikr-e-KHuda se ruh ko mariyam butul kar

is tarh mere sabr ko qasid na aazma

ek muKHtasar si baat mein paida na tul kar

qurb-e-KHuda ho hajat-e-taskin-e-qalb ho

har haal mein zaban se tu zikr-e-rasul kar

waqif hun mai-kade ki sabhi rasm-o-rah se

saqi na mujh ko yaad dilane ki bhul kar

phir abraha ka lashkar-e-jarrar hai rawan

manzur phir tuyur-e-falak ka nuzul kar