athar tumne ishq kiya kuchh tum bhi kaho kya haal hua

'at.har' tum ne ishq kiyā kuchh tum bhī kaho kyā haal huā

koī nayā ehsās milā yā sab jaisā ahvāl huā

ek safar hai vādī-e-jāñ meñ tere dard-e-hijr ke saath

terā dard-e-hijr jo baḌh kar lazzat-e-kaif-e-visāl huā

rāh-e-vafā meñ jaañ denā hī pesh-ravoñ kā sheva thā

ham ne jab se jiinā sīkhā jiinā kār-e-misāl huā

ishq fasāna thā jab tak apne bhī bahut afsāne the

ishq sadāqat hote hote kitnā kam-ahvāl huā

rāh-e-vafā dushvār bahut thī tum kyuuñ mere saath aa.e

phuul sā chehra kumhlāyā aur rañg-e-hinā pāmāl huā

'athar' tum ne ishq kiya kuchh tum bhi kaho kya haal hua

koi naya ehsas mila ya sab jaisa ahwal hua

ek safar hai wadi-e-jaan mein tere dard-e-hijr ke sath

tera dard-e-hijr jo baDh kar lazzat-e-kaif-e-visal hua

rah-e-wafa mein jaan dena hi pesh-rawon ka shewa tha

hum ne jab se jina sikha jina kar-e-misal hua

ishq fasana tha jab tak apne bhi bahut afsane the

ishq sadaqat hote hote kitna kam-ahwal hua

rah-e-wafa dushwar bahut thi tum kyun mere sath aae

phul sa chehra kumhlaya aur rang-e-hina pamal hua