hain to mazlum magar tegh uTha sakte hain
haiñ to mazlūm magar teġh uThā sakte haiñ
zulm aur jabr ko miTTī meñ milā sakte haiñ
hākim-e-vaqt ke pairoñ meñ paḌe haiñ buzdil
kis tarah haq kī ye āvāz uThā sakte haiñ
aap ke vāste qurbān to ho jā.ūñ magar
aap ik lamhe meñ ehsān bhulā sakte haiñ
apne hoñToñ pe mohabbat kā tabassum rakh kar
aap chāheñ jise dīvāna banā sakte haiñ
jitne bhī gūñge haiñ vo bolne lag jaa.eñ agar
ek zālim ko ye masnad se uThā sakte haiñ
bas yahī baat ki vo pahlī mohabbat hai 'nizām'
varna ham to use auqāt dikhā sakte haiñ
hain to mazlum magar tegh uTha sakte hain
zulm aur jabr ko miTTi mein mila sakte hain
hakim-e-waqt ke pairon mein paDe hain buzdil
kis tarah haq ki ye aawaz uTha sakte hain
aap ke waste qurban to ho jaun magar
aap ek lamhe mein ehsan bhula sakte hain
apne honTon pe mohabbat ka tabassum rakh kar
aap chahen jise diwana bana sakte hain
jitne bhi gunge hain wo bolne lag jaen agar
ek zalim ko ye masnad se uTha sakte hain
bas yahi baat ki wo pahli mohabbat hai 'nizam'
warna hum to use auqat dikha sakte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
