kisi din kaam apna ye gham-e-nakaam aa jae

kisī din kaam apnā ye ġham-e-nākām aa jaa.e

ki mere haath meñ ye gardish-e-ayyām aa jaa.e

maiñ bāzī-gar ke jaise yuuñ uchhālūñ 'arsh ke gole

ki jitnā karb 'ālam kā hai mere naam aa jaa.e

tavajjoh ġhair ke zaḳhmoñ pe bhī kuchh chārāgar kī ho

hamārā zabt hī yaaro kisī ke kaam aa jaa.e

mirā insān se insāniyat kā to ta'alluq hai

ki is ke zaḳhm bhar jaa.eñ mujhe ārām aa jaa.e

ujāle tund hote jā rahe hoñ jānib-e-manzil

palak jhapkā.ūñ aur āñkhoñ ke aage shaam aa jaa.e

kabhī yuuñ ho ki sote vaqt mujh ko ḳhvāb na aa.eñ

mujhe bas niiñd aa jaa.e zarā ārām aa jaa.e

kisi din kaam apna ye gham-e-nakaam aa jae

ki mere hath mein ye gardish-e-ayyam aa jae

main bazi-gar ke jaise yun uchhaalun 'arsh ke gole

ki jitna karb 'alam ka hai mere nam aa jae

tawajjoh ghair ke zaKHmon pe bhi kuchh chaaragar ki ho

hamara zabt hi yaro kisi ke kaam aa jae

mera insan se insaniyat ka to ta'alluq hai

ki is ke zaKHm bhar jaen mujhe aaram aa jae

ujale tund hote ja rahe hon jaanib-e-manzil

palak jhapkaun aur aankhon ke aage sham aa jae

kabhi yun ho ki sote waqt mujh ko KHwab na aaen

mujhe bas nind aa jae zara aaram aa jae