wo aae wade pe aae magar raqib ke sath

vo aa.e vā'de pe aa.e magar raqīb ke saath

'ajab mazāq kiyā mujh se ġham-nasīb ke saath

harīf-e-dār-o-rasan the vo qāmat-o-gesū

gayā thā shauq-e-shahādat jahāñ salīb ke saath

usī nasīm ko ham sab shamīm kahte haiñ

lagī lagī jo chale dāman-e-habīb ke saath

adā-e-ḳhās se dil le gayā hai dil-dushman

dil-e-ġharīb kī qismat dil-e-ġharīb ke saath

vo mere saath jo baiThe to is tarah baiThe

ki jaise ik mutamavvil kisī ġharīb ke saath

mujhe hī chain se rakkhā na ḳhud sukūñ se rahā

ye sābiqa thā dil-e-'āfiyat-e-raqīb ke saath

maiñ nā-murād huuñ lekin na hai jahālat-e-ġham

vo be-adab na hue mujh se bad-nasīb ke saath

ho dushman-e-dil-o-jāñ mere jān-o-dil ho kar

ye jaur aur phir is nisbat-e-qarīb ke saath

wo aae wa'de pe aae magar raqib ke sath

'ajab mazaq kiya mujh se gham-nasib ke sath

harif-e-dar-o-rasan the wo qamat-o-gesu

gaya tha shauq-e-shahadat jahan salib ke sath

usi nasim ko hum sab shamim kahte hain

lagi lagi jo chale daman-e-habib ke sath

ada-e-KHas se dil le gaya hai dil-dushman

dil-e-gharib ki qismat dil-e-gharib ke sath

wo mere sath jo baiThe to is tarah baiThe

ki jaise ek mutamawwil kisi gharib ke sath

mujhe hi chain se rakkha na KHud sukun se raha

ye sabiqa tha dil-e-'afiyat-e-raqib ke sath

main na-murad hun lekin na hai jahaalat-e-gham

wo be-adab na hue mujh se bad-nasib ke sath

ho dushman-e-dil-o-jaan mere jaan-o-dil ho kar

ye jaur aur phir is nisbat-e-qarib ke sath