sote mein jo chal paDta hun main yar ke pichhe

sote meñ jo chal paḌtā huuñ maiñ yaar ke pīchhe

jal kar haiñ raqīb ab mire āzār ke pīchhe

chupke se khilā.eñge koī gul jo ye hazrat

ḳhāmosh khaḌe haiñ tirī dīvār ke pīchhe

manzil kā use 'ilm na raste kā patā hai

kyuuñ chalte ho phir qāfila-sālār ke pīchhe

aḳhlāq-o-muravvat se vo samjhāte haiñ mujh ko

phir aap kā sar hai mirī paizār ke pīchhe

hogā na koī fā.ida bahlāne kā dil ko

jā.egā usī husn-e-dil-āzār ke pīchhe

jab shahr meñ kahte haiñ sabhī aap ko achchhā

kyuuñ paḌ ga.e phir mujh hī gunahgār ke pīchhe

aa.ī na ḳharāsh ek bhī 'zāmin' ke gale par

vo ḳhud hī taḌapne lage talvār ke pīchhe

sote mein jo chal paDta hun main yar ke pichhe

jal kar hain raqib ab mere aazar ke pichhe

chupke se khilaenge koi gul jo ye hazrat

KHamosh khaDe hain teri diwar ke pichhe

manzil ka use 'ilm na raste ka pata hai

kyun chalte ho phir qafila-salar ke pichhe

aKHlaq-o-murawwat se wo samjhate hain mujh ko

phir aap ka sar hai meri paizar ke pichhe

hoga na koi faida bahlane ka dil ko

jaega usi husn-e-dil-azar ke pichhe

jab shahr mein kahte hain sabhi aap ko achchha

kyun paD gae phir mujh hi gunahgar ke pichhe

aai na KHarash ek bhi 'zamin' ke gale par

wo KHud hi taDapne lage talwar ke pichhe