nala hi nikle hai go hum muddaa kahne ko hain

naala hī nikle hai go ham mudda'ā kahne ko haiñ

lab nahīñ kahne meñ ab kyā jaane kyā kahne ko haiñ

dost karte haiñ malāmat ġhair karte haiñ gila

kyā qayāmat hai mujhī ko sab burā kahne ko haiñ

shikva harf-e-talḳh kā yā shor-baḳhtī kā gila

ham jo kuchh kahne ko haiñ so be-mazā kahne ko haiñ

ġhair se sar-goshiyāñ kar lījiye phir ham bhī kuchh

ārzū-hā-e-dil-e-rashk-āshnā kahne ko haiñ

ho ga.e nām-e-butāñ sunte hī 'momin' be-qarār

ham na kahte the ki hazrat pārsā kahne ko haiñ

nala hi nikle hai go hum mudda'a kahne ko hain

lab nahin kahne mein ab kya jaane kya kahne ko hain

dost karte hain malamat ghair karte hain gila

kya qayamat hai mujhi ko sab bura kahne ko hain

shikwa harf-e-talKH ka ya shor-baKHti ka gila

hum jo kuchh kahne ko hain so be-maza kahne ko hain

ghair se sar-goshiyan kar lijiye phir hum bhi kuchh

aarzu-ha-e-dil-e-rashk-ashna kahne ko hain

ho gae nam-e-butan sunte hi 'momin' be-qarar

hum na kahte the ki hazrat parsa kahne ko hain