ek ilzam mere sar pe laga rahne do
ek ilzām mire sar pe lagā rahne do
apnī har yaad ko is dil meñ basā rahne do
dil meñ milne kī kasak lab pe du'ā rahne do
dam-e-ruḳhsat koī jiine kī adā rahne do
tum hathelī pe mirā naam na likhnā hargiz
raaz chāhat kā zamāne se chhupā rahne do
ab havāoñ meñ bikhar jaane do ḳhushbū ban kar
phuul huuñ to mujhe kākul meñ sadā rahne do
ai zamāne tujhe kyuuñ fikr hai yuuñ 'vāris' kī
vo burā hai to use yuuñ hī burā rahne do
ek ilzam mere sar pe laga rahne do
apni har yaad ko is dil mein basa rahne do
dil mein milne ki kasak lab pe du'a rahne do
dam-e-ruKHsat koi jine ki ada rahne do
tum hatheli pe mera nam na likhna hargiz
raaz chahat ka zamane se chhupa rahne do
ab hawaon mein bikhar jaane do KHushbu ban kar
phul hun to mujhe kakul mein sada rahne do
ai zamane tujhe kyun fikr hai yun 'waris' ki
wo bura hai to use yun hi bura rahne do
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
